पीयर पीयर पीयरी में - मंगल मूर्ति 'मानव' | Mangal Murti 'Manav'

पीयर पीयर पीयरी में सजेली बहुरिया 

जैसे नित खिलई कनइल क फूल 

सुघर सुहाग रंग सजेला सलूका मोर 

मन में लजाइ जाला - सेमरे क फूल

बिंदिया हमार हउवइ सुरुज सलेहरी 

कि जेसे सजना क मन उजियार

सगरा क लहरा जस प्रेम क पहरुआ आगइ 

जे के रोकई नाहीं रात - अँधियार 

काले काले वदरा लगाइ गइले कजरा 

कि अँखिया में - लहरइ - सनेह

मनमें बसल हमरे सजना - सुरतिया 

जइसे पिजड़ा में सुगना सनेह