जवानी क इ पानी बा चढ़ल उतर जाई
उमिर क चान बस चउथा पहर में ढर जाई
कि जिनगी एक दिन पहुँची पड़ाव पर अपने
उहाँ हर साँस जाके एक दम ठहर जाई
X X X
केहू से मन क बात बतावल ना जाला
सपनों में आपन भरम गँवावल ना जाला
जेवने में जाके पड़े दर्द क—परछाई
दिल क शीशा केहू के देखावल ना जाला
X X X
जिनगी में भारी भूल कबों जब हो जाला
झटपट परान पर पीर आइके सो जाला
सुखवा क दिनवाँ बस सपना अस उड़िजाला
दुखवा क रतिया तब पहाड़ अस हो जाला